ٹریفک پولیس کے بیان میں کہا گیا ہے کہ شاہراہ کی مکمل بحالی میں کم سے کم 5 روز کا وقت درکار ہوگا۔
ضلع ترقیاتی کمشنر ناظم زئی نے بتایا کہ ڈھہ جانے والی دیوار کی بنیاد تیار کی گئی ہے اور کنکریٹ دیوار پر کام شروع کردیا گیا ہے۔ انہوں نے کہا کہ 48 گھنٹے سے قبل شاہراہ پر گاڑیوں کی آمد و رفت ممکن نہیں۔
ڈی سی نے کہا کہ نیشنل ہائی وے اتھارٹی سے انہوں نے بات کی اور دیوار کو نئے سرے سے بنانے کا کام شروع کیا گیا ہے۔ تقریباً 23 سے تیس میٹر کی گہرائی تک دیوار بنانی ہے اور اس میں وقت لگے گا. انہوں نے بتایا کہ کمپنی کے انجینئر، ٹیکنیشن اور اور دیگر عملہ 24 گھنٹے کام کررہے ہیں۔
گپکار الائنس پر خطرے کے بادل
ضلع ترقیاتی کمشنر نے بتایا کہ مسافروں، سرکاری ملازمین اور مریضوں کو لانے لیجانے کے لیے متاثرہ مقام تک گاڑیوں کی آوا جاہی کو یقینی بنایا گیا ہے جبکہ سب ڈویژن رامسو، بانہال سے قاضی گنڈ اور جموں سے رام بن تک معمول کا ٹریفک متاثر ہوئے بغیر چل رہا ہے۔
واضح رہے کہ اتوار کی شام رام بن سے بانہال کی طرف جاتے ہوئے چار کلومیٹر دور کیلا موڑ پل کے نزدیک سڑک کا ایک بہت بڑا حصہ ایک اونچی دیوار سمیت کیلا موڑ نالے میں ڈھ گیا۔ جس کے بعد شاہراہ پر ٹریفک کی نقل و حمل بند کر دیا گیا۔
