تیندوے کے جھنڈ نے چالیس بھیڑ بکریوں کو ہلاک کیا

رینج آفسر وائلڈ لائف ڈپارٹمنٹ نے بتایا کہ محکمہ وائلڈ لائف کے عہدیداروں کی ایک ٹیم رامبن سے پنچایت کلیمستہ بھیج دی گئی ہے۔ تاکہ نقصان کا تخمینہ لگایا جا سکے۔

جموں و کشمیر کے ضلع رامبن کی سب ڈویژن گول کے علاقے کلیمستہ میں خونخوار جنگلی جانوروں کے حملے میں کم از کم 40 بھیڑ بکریاں ہلاک ہوگئی ہیں۔
رینج آفسر وائلڈ لائف ڈپارٹمنٹ رامبن، منصور احمد نے بتایا کہ تیندؤں کا ایک جھنڈ گلزار احمد چاندیل اور فاروق احمد چاندیل ساکنہ کلیمستہ کے گھر میں داخل ہوا اور قریب چالیس بھیڑ بکریوں کو ہلاک کردیا۔

انہوں نے بتایا کہ محکمہ وائلڈ لائف کے عہدیداروں کی ایک ٹیم رامبن سے پنچایت کلیمستہ بھیج دی گئی ہے۔ تاکہ نقصان کا تخمینہ لگایا جا سکے۔تاہم انہوں نے کہا کہ محکمہ وائلڈ لائف ڈویژن کشتواڑ کی جانب سے جنگلی جانوروں کے حملوں میں ہلاک ہونے والے جانوروں کے لئے قانونی طور معاوضے کا کوئی بندوبست نہیں ہے۔