مرکزی سرکار کی جانب سے ’’گندگی مکھت بھارت‘‘ اسکیم کے تحت جموں و کشمیر کے پہاڑی ضلع رام بن میں بانہال عدالت کے احاطے میں شجر کاری مہم کا آغاز کیا گیا۔
بانہال عدالت کے احاطے میں شجرکاری کے موقع پر جوڈیشل مجسٹریٹ، وکلاء اور محکمہ عدلیہ کے اہلکاروں کے علاوہ محکمہ جنگلات کے آفیسران بھی موجود تھے۔
احاطہ عدالت میں سینئر آفیسران کے ہاتھوں پودا لگا کر مہم کا آغاز کیا گیا۔
شجرکاری مہم کے بعد میڈیا سے بات کرتے ہوئے محکمہ جنگلات کے رینج آفیسر بانہال تنویر احمد خان اور فاریسٹ آفیسر بانہال بلال احمد نے جنگلات اور پودوں کی اہمیت اور افادیت کے حوالے سے کہا کہ ’’موجودہ وقت میں ماحولیاتی توازن برقرار رکھنے کے لئے زیادہ سے زیادہ پیڑ پودے لگانے اور جنگلات کا تحفظ کرنے کی اشد ضرورت ہے۔‘‘
انہوں نے مزید کہا کہ مرکزی اسکیم ’’گندگی مکھت بھارت‘‘ کے تحت ہندوستان کی ہر پنچایت میں شجرکاری پروگرام کے مطابق زیادہ سے زیادہ پودے نصب کیے جانے ہیں۔
