قومی شاہراہ پر حادثہ میں پانچ افراد زخمی

ضلع رام بن میں سرینگر - جموں قومی شاہراہ پر چمبلواس کے مقام پر سڑک حادثہ میں پانچ افراد زخمی ہو گئے۔

پہاڑی ضلع رام بن میں پیر کی صبح سومو اور ٹرک کے مابین ٹکر کے نتیجے میں پانچ افراد زخمی ہو گئے۔

پولیس ذرائع کے مطابق پیر کی صبح ایک سومو گاڑی بانہال سے رامبن کی طرف جا رہی تھی کہ شالگڈی، چمبلواس میں مخالف سمت سے آ رہی ٹرک سے ٹکرا گئی جس کے نتیجے میں سومو میں سوار پانچ مسافر زخمی ہو گئے۔

زخمیوں کو فوری طور سب ضلع اسپتال بانہال پہنچایا گیا۔

زخمی ہونے والے افراد میں منظور احمد(55) ولد غلام محی الدین وانی ساکن بانہال، غلام نبی (55) ولد احمداللہ ساکن چاپناڑی، بانہال، صدف بانو (20) صادق نجار ساکن کسکوٹ بانہال، منزہ منظور(24) دختر منظور احمد وانی ساکن بانہال اور زوجہ اجمل امین (25) ساکن درشی پورہ، بانہال کے طور پر ہوئی ہے۔

پولیس نے حادثے کی نسبت سے معاملہ درج کر کے تحقیقات شروع کر دی ہے۔