رامبن: نااہل لوگوں کو کام دینے کا الزام

بی جے پی کے کاؤنسلر نے الزام عائد کیا ہے کہ نیشنل کانفرنس کے لوگ اپنے لوگوں کو کام دے رہے ہیں۔

جموں و کشمیر کے ضلح رامبن میں واقع اکھڑال بی سے کونسلر بلبیر سنگھ بالی نے نیشنل کانفرنس و ضلع ترقیاتی کونسلر چیئرپرسن پر سنگلدان علاقے میں جاری ریلوے پروجیکٹ کی تعمیر میں پارٹی کے کارکنا کو کام دلانے کا الزام عائد کیا ہے۔

انہوں نے ریلوے اتھارٹی و تعمیراتی کمپنی کو صرف اہل افراد کو کام دینے کی اپیل کی اور نیشنل پروجیکٹ کی تکمیل کے لئے کسی بھی طرح کے دباؤ میں نہ آکر ایمانداری سے کام کرنے کے لئے کہا ہے۔

انہوں نے کہا کہ وہ پارٹی ہائی کمان و انتظامیہ کے ساتھ بھی اس مسئلے پر جلد تبادلہ خیال کریں گے کہ سنگلدان علاقے میں ناہل افراد کو کام دینے کے لیے کمپنیوں پر دباؤ بنایا جا رہا ہے۔