رامسو بسلری نالہ سے 15 روز بعد لاش برآمد

رامسو بسلری نالے میں ایک ٹرک 15 روز قبل حادثے کا شکار ہوگیا تھا، جس میں لاپتہ دو افراد میں سے ایک شخص کو آج برآمد کیا گیا، تاہم ابھی تک اس شخص کی شناخت نہیں ہوسکی ہے۔

جموں سرینگر قومی شاہراہ پر 15 روز قبل ایک ٹرک حادثے کا شکار ہوکر بسلری نالہ رامسو میں گر گیا تھا جس میں دو افراد لاپتہ تھے اور اسی دن سے جموں وکشمیر پولیس کے ساتھ ساتھ دیگر رضاکار ٹیموں نے 15 دنوں سے لگاتار ریسکیو آپریشن جاری رکھے ہوئے تھے، جس کے نتیجے میں آج ایک شخص کو نالہ بسلری رامسو سے نکالا گیا۔

تاہم ابھی تک اس شخص کی شناخت نہیں ہو سکی ہے اور اس شخص کو پوسٹ مارٹم کے لیے پی ایس سی رامسو پہنچا دیا گیا ہے۔