جموں و کشمیر کے پہاڑی ضلع رامبن کے تحصیل کھڑی کے علاقہ منگت میں خون خوار ریچھ کے حملے میں ایک شخص ہلاک ہوگیا ہے۔
پولیس ذرائع کے کے مطابق گزشتہ شام تحصیل کھڑی کے علاقہ منگت کے ٹاپ چنگل میں عبدالرشید بکروال (50) ولد لال بکروال ساکنہ ریائسی اپنے بھیڑ بکریاں چرا رہا تھا کہ اچانک خون خوار ریچھ نے حملہ کرکے اسے شدید زخمی کر دیا۔
مقامی لوگوں کے شور سے جنگلی درندہ بکروال کو شدید زخمی حالت میں چھوڑ کر وہاں سے بھاگ گیا۔ لوگوں نے فوری طور پر زخمی شخص کو مقامی پی ایچ سی منگت منتقل کیا جہاں ڈاکٹروں نے اسے مردہ قرار دے دیا۔
علاقے میں جنگلی جانور کی حملے سے لوگ زبردست خوفزدہ ہوگئے ہیں۔ لوگوں کا مطالبہ ہے کہ محکمہ ؤالڈ لایف اس خون خوار درندے کو پکڑ کر مزید انسانی اور مالی نقصان سے بچانے میں اپنا رول نبھائیں۔
