ضلع ترقیاتی کمشنرر راجوری کی ہدایت پر ضلع بھر میں ایک مہم چلائی جا رہی ہے جس میں کئی سرکاری عمارتوں میں غیر قانونی طور رہائش پذیر افراد کو نکال کر سرکاری عمارتوں کو خالی کیا جا رہا ہے۔
ذرائع کے مطابق ضلع بھر میں پنچایت گھروں، اسکولی عمارتوں سمیت دیگر رہائشی گورنمنٹ کوارٹروں میں عرصہ دراز سے چند افراد غیر قانونی طور رہائش پذیر ہیں۔ جس کے چلتے ڈی سی راجوری نے غیر قانونی طور قبضے میں لی گئی سبھی عمارتوں کی نشاندہی کرکے ناجائز قبضے کو ہٹائے جانے کے احکامات صادر کئے ہیں۔
ضلع راجوری میں سرکاری عمارتوں و رہایشی کوارٹروں کی فہرست تیار کی جا رہی ہے اور ان میں غیر قانونی طریقہ سے رہائش پذیر لوگوں کو ہٹا کر عمارتوں کو خالی کیا جا رہا ہے۔
ذرائع کے مطابق اب تک ضلع بھر میں ڈیڑھ درجن سے زائد عمارتوں/کوارٹروں پر سے ناجائز قبضہ ہٹایا گیا ہے۔
