پاکستانی فوج نے آج صبح تقریبا 10:45 بجے جموں و کشمیر کے راجوری ضلع کے نوشہرہ سیکٹر میں سیز فائر معاہدے کی خلاف ورزی کی ہے۔
بھارتی فوجی ذرائع کے مطابق پاکستانی فوج کی جانب سے لاین آف کنٹرول (ایل او سی) پر فائرنگ کی جا رہی ہے اور مارٹر شیل بھی داغے جا رہے ہیں۔ بھارتی فوج بھی پاکستانی فائرنگ کا معقول جواب دے رہی ہے۔
قابل ذکر ہے کہ دفعہ 370 کی منسوخی کے بعد بھارت اور پاکستان کے درمیان سرحدوں پر تناؤ مزید بڑھ جانے کے باعث سرحدی علاقوں کے لوگوں میں خوف وہراس پیدا ہوا ہے۔ کئی بستیوں کے مکین نقل مکانی کرنے پر مجبور ہوئے ہیں۔
