وزارت خاندانی و بہبود حکومت ہند نے جموں و کشمیر کے ضلع راجوری میں 100 بستروں پر مشتمل زچہ و بچہ ہسپتال کی تعمیر کو منظوری دے دی۔ اسی طرح ہسپتال میں سٹیرائل سپلائی ڈیپارٹمنٹ کو بھی منظوری دے دی گئی ہے جس پر 36 کروڑ روپے کی لاگت کا تخمینہ ہے جس میں رواں مالی سال میں آٹھ کروڑ روپے کی رقم کو منظوری دی گئی ہے۔
مشن ڈائریکٹر این ایچ ایم برائے جموں و کشمیر کا کہنا ہے کہ حکومت جموں و کشمیر، ریاست کے دور دراز علاقوں خصوصاً پہاڑی علاقہ جات میں رہائش پذیر عوام کو صحت کی بہتر سہولیات فراہم کرنے کے لیے پُرعزم ہے۔
انہوں نے کہا کہ لمبری جیسے پہاڑی علاقے میں ایم سی ایچ ہسپتال کی تعمیر کے سبب مقامی باشندوں کو زچگی کے لیے دور دراز علاقہ جات کا سفر نہیں کرنا پڑے گا۔
