مرکزی ریز انتظام جموں وکشمیر میں لائن آف کنٹرول کے نزدیک کھیتوں میں ایک بارودی شیل ملنے سے افراتفری پھیل گئی جس کو بعد میں سکیورٹی اہلکاروں نے ناکارہ بنا دیا۔
نوشہرہ کی پنچایت کلال ڈینگ میں کسانوں نے کھیتی کے دوران ایک زندہ شیل دیکھ کر مقامی سرپنچ رمیش کمار کو اطلاع دی۔ سرپنچ نے فوج کو اطلاع دی اور بعدازاں فوج کی جانب سے بم کو ناکارہ بنایا گیا۔
واضح رہے کے لائن آف کنٹرول کے نزدیکی گاؤں ڈینگ کلال میں گزشتہ کئے برسوں سے بھارت اور پاکستان کی افواج کے درمیان گولی باری کا تبادلہ ہو رہا۔
مقامی سرپنچ رمیش کمار نے ذرائع ابلاغ کے نمائندوں سے بات کرتے ہوئے کہا کہ پاکستان کی جانب سے گاؤں میں آئے روز ہونے والی گولہ باری سے یہاں کے لوگ شدید مشکلات سے دوچار ہے۔
انہوں نے دونوں ممالک سے گزارش کی کہ وہ لوگوں کی جان و مال کی حفاظت کے لئے مؤثر اقدامات اُٹھائے۔ انہوں نے بروقت کاروائی کرنے پر بھارتی فوج کا شکریہ ادا کیا۔
