مرکزی زیر انتظام جموں کے ضلع راجوری کی تحصیل تھانہ منڈی کے قرنطینہ میں دو افراد کی رپورٹ منفی آنے کے بعد انہیں گھر بھیج دیا گیا ہے۔
وہیں انتظامیہ نے کورونا وائرس کے خطرات کو دیکھتے ہوئے تھانہ منڈی میں کاروباری سرگرمیوں کو بند کرنے کے ساتھ تھانہ منڈی میں خارجی اور داخلی راستوں کو خار دار تاروں سے بند کر دیا ہے۔
لاک ڈاؤن: راجوری میں سخت پابندیاں عائد
گاڑیوں کے ساتھ عام لوگوں کی نقل و حرکت پر بھی پابندی عائد کر دی گئی۔
وہیں ایس ڈی پی او سجاد خان نے ذرائع ابلاغ کے نمائندوں سے بات کرتے ہوئے کہا کہ 'تھا نہ منڈی میں چند روز سے کورونا وائرس کے کیسوں میں اضافہ ہوتا جا رہا ہے ، جس کے پیش نظر ضلع ترقیاتی کمشنر کی ہدایت پر آج تھا نہ منڈی کو مکمل بند کر دیا گیا۔'
انہوں نے کہا کہ مزید جو حکمنامہ جاری ہو گا اس پر عمل کیا جائے گا۔
