راجستھان کے اجمیر شہر میں بچہ چور گینگ کا کافی خوف دیکھا جا رہا ہے۔ رہائشی علاقوں میں بچہ چور کھلے عام دیکھے جا رہے ہیں۔ اسی سلسلے میں سوشل میڈیا پر ایک ویڈیو وائرل ہو رہا ہے۔ سنسان گلی میں ایک بچہ کو پکڑنے کی کوشش کا ویڈیو تیزی سے وائرل ہو رہا ہے۔ جسے دیکھنے کے بعد شہر کے مکینوں کی نیند اڑ گئی ہے۔Child Thief in Ajmer
ویڈیو 18 اکتوبر کی دوپہر 1:40 کا بتایا جا رہا ہے۔ ویڈیو میں دیکھا جا رہا ہے کہ درگاہ کے قریب خادم محلہ کے علاقے میں ایک بچہ چور سنسان گلی میں تھیلا لے کر جاتا نظر آ رہا ہے۔ یہ ویڈیو اجمیر کے چوہدری محلہ، فرزند گیسٹ ہاؤس اور اگئی منزل کے درمیان کا بتایا جا رہا ہے۔ وائرل ہونے والی ویڈیو میں چور نے بچے کو بیگ میں بند کرنے کی کوشش کی تاہم بچہ پہلے سے ہی ہوشیار تھا اور بچہ چور سے بچ کر واپس بھاگ گیا۔
اس ویڈیو کی وجہ سے درگاہ علاقے میں سنسنی پھیل گئی ہے، وہیں دوسری طرف اجمیر پولیس اس واقعہ سے پوری طرح بے خبر ہے۔ مقامی لوگوں نے سٹی پولیس کو سست قرار دیتے ہوئے کہا ہے کہ پولیس اس معاملے میں لاپرواہی برت رہی ہے۔
یہ بھی پڑھیں: دربھنگہ: بچہ چور سمجھ کر معذور خاتون کی پٹائی
