وزیر اعلی کی رہائش گاہ کی طرف کوچ کر رہے راجستھان اردو اساتذہ تنظیم اور راجستھان مدرسہ پیرا ٹیچر تنظیم کے کارکنان کو پولیس نے سیویل لائن پھاٹک پر ہی روک دیا ہے۔
وہیں، ان مظاہرین نے ای ٹی وی بھارت سے گفتگو کے دوران کہا کہ ہم لوگ 18 جنوری سے مسلسل احتجاجی مظاہرہ کر رہے ہیں لیکن وزیر اعلیٰ اشوک گہلوت کے پاس ہم لوگوں سے ملاقات کا وقت نہیں ہے۔ اس لیے ہم وزیر اعلی کی رہائش گاہ کی جانب کوچ کر رہے ہیں۔'
مظاہرین نے کہا کہ راستے میں شہیدوں کو خراج عقیدت پیش کیا گیا۔
اسی درمیان مظاہرین نے وزیراعلی اشوک گہلوت، تعلیم وزیر گووند سنگھ اور اقلیتی وزیر صالح محمد کے خلاف خوب نعرے بازی کی۔
مظاہرین سردی سے بچنے کے لیے رضائی اور کمبل بھی اپنے ساتھ لیے ہوئے ہیں۔
پولیس نے وزیر اعلی کی رہائش گاہ کی طرف کوچ کر رہے مظاہرین کو سول لائن پھاٹک کے قریب روک دیا ہے۔ موقع پر کثیر تعداد میں پولیس کے اعلیٰ افسران تعینات کیے گئے۔
یہ بھی پڑھیں: جے پور: پیرا ٹیچرس کا احتجاج دوسرے دن بھی جاری
