ریاست راجستھان میں شادیوں کا موسم ہے۔ جہاں بالی ووڈ کے مشہور فلمی ستارے اس شہر کے شاہی قلعہ میں شادی کے بندھن میں بندھ رہے ہیں، وہیں دارالحکومت جے پور میں ہوئی ایک شادی کی تقریب بھی اتنی ہی دلچسپ ہے۔
جے پور میں دو گونگے اور بہرے جوڑوں نے نکاح کرکے اپنی ازدواجی زندگی کا آغاز nikah of Deaf and Dumb Couple in Rajasthan کیا ہے۔ یہ نکاح جے پور کی جگدیش کالونی میں ہوا ہے۔ منصوری برادری کی جانب سے کروائے گئے اس نکاح کی خاص بات یہ رہی کہ قاضی نے نکاح پڑھانے کے لیے اشاروں والی زبان کا ہی استعمال کیا، یہ نظارہ قابل دید تھا۔
منصوری برادری کے نائب قاضی سید اصغر علی نے بتایا کہ یہ نکاح کی روایت ہم لوگوں کی جانب سے ادا کی گئی ہے۔ یہ اس نوعیت کا پہلا نکاح ہے۔ نکاح پڑھاتے وقت جوڑوں کو اشاروں میں سمجھانے میں تھوڑی پریشانی ضرور ہوئی لیکن نکاح صحیح طریقے سے مکمل ہوا۔ نکاح کی اس تقریب میں در پیش مشکلات کو دور کرنے کے لیے ان لوگوں کا شکریہ ادا کرنا چاہتا ہوں جو دلہا اور دلہن کے ساتھ اشاروں والی تعلیم حاصل کر رہے ہیں۔ کیونکہ انہی کی بدولت اشاروں میں سمجھانا ممکن ہوسکا ہے۔
- مزید پڑھیں: Katrina-Vicky Wedding Pictures Leaked: کترینہ اور وکی کوشل شادی کے بندھن میں بندھ گئے، تصویریں لیک
سید اصغر علی کا کہنا ہے کہ دونوں ہی دلہے بھائی اور دونوں ہی دلہنیں آپس میں بہنیں ہیں۔ ان کا نکاح پڑھانے میں ہم لوگوں کو بھی کافی خوشی حاصل ہورہی ہے کیونکہ یہ دونوں ہی جوڑے ایک دوسرے کے ساتھ ایک ہی اسکول میں تعلیم حاصل کرتے تھے۔
