ریاست راجستھان کے دارالحکومت جے پور کے جواہر کلا کیندر میں دو روزہ کل ہند سیمینار کے آخری روز مہمانوں نے شاعر جاں نثار اختر کی زندگی پر روشنی ڈالی، آج دوسرے روز اس پروگرام کا آغاز صبح دس بجے ہوا تھا اور شام کو پانچ بجے تک یہ پروگرام جاری رہے گا۔
راجستھان اردو اکادمی کی جانب سے منعقدہ دو روزہ کل ہند سیمینار "گھر آنگن کا شاعر جاں نثار اختر" کی صدارت کر رہے شین کاف نظام نے ای ٹی وی بھارت سے بات چیت کے دوران کہا کہ راجستھان اردو اکادمی کی جانب سے منعقد اس سیمینار میں ہم لوگوں کو شرکت کرنے کا موقع ملا اس لئے ہم لوگ کافی خوش ہیں۔
انہوں نے کہا کہ جاں نثار اختر ہمارے بہت اہم شاعر تھے، ان کی شاعری اور ان کی زندگی کو موضوع بنا کر جو باتیں کہی جارہی ہیں، وہ کافی اچھی ہیں۔ خاص طور پر ان کی غزلیں قابل ذکر ہیں۔
یہ بھی پڑھیں: 'لگا دیا اور پتہ بھی نہیں چلا': وزیر اعظم نے ٹیکہ لینے کے بعد نرس کو بتایا
انہوں نے کہا کہ جاں نثار اختر ایک بہت ہی بہترین اور خاندانی شاعر تھے، آج ان کی یاد میں جس طرح سے یہ پروگرام ہو رہا ہے وہ کافی بہترین ہے۔
