کوٹہ: ضلع میں کوچنگ کرنے والے دو طلبہ کی خودکشی کا معاملہ سامنے آیا ہے۔ کوچنگ کرنے والے دونوں طالب علم بہار کے رہنے والے تھے اور رادھا کرشنا مندر کے قریب تلونڈی علاقے میں ایک پی جی میں رہتے تھے۔ ان دونوں طلبہ کے کمرے بھی قریب ہی تھے۔ ایک طالب علم نمبر ایک کمرے میں رہتا تھا جبکہ دوسرا نمبر دو کمرے میں رہتا تھا۔ دونوں نے خودکشی کیوں کی، ابھی تک کچھ واضح نہیں ہے۔Medical coaching Students Committed Suicide in Kota
واقعہ کی اطلاع ملتے ہی پولیس کے اعلیٰ افسران بھی موقع پر پہنچ گئے۔ ایف ایس ایل کی ٹیم کو بھی تحقیقات کے لیے موقع پر طلب کر لیا گیا ہے۔ خودکشی کرنے والے طلباء کے نام اجول کمار اور انکش ہے۔ موقع پر پہنچے سب انسپکٹر پرکاش چند نے بتایا کہ لاشوں کو ایم بی ایس اسپتال کے مردہ خانہ میں منتقل کردیا گیا ہے۔ اس حوالے سے لواحقین کو بھی آگاہ کر دیا گیا ہے۔ اعلیٰ حکام معاملے کی جانچ کر رہے ہیں۔Medical coaching Students Committed Suicide in Kota
ان دونوں خودکشیوں سمیت، کوٹا شہر میں ایک ہی دن میں طالب علم کی خودکشی کے تین معاملے سامنے آئے ہیں۔ اس سے پہلے پنالی تھانے کے تاریخی علاقے میں رہنے والے شیو پوری کے پرناو نے بھی خودکشی کر لی تھی۔
