ریاست راجستھان کے ضلع جودھپور کے پھلودی علاقے میں سیاحوں سے بھری ایک مسافر بس اور ٹریلر میں زبردست تصادم ہو گیا۔ اس حادثے میں پانچ مسافر ہلاک ہوگئے ہیں جبکہ دیگر 12 مسافرین کے زخمی ہونے کی اطلاع ہے۔
اطلاع ملنے پر باپ پولیس اسٹیشن کے افسر ہری سنگھ راجپوت، اے ایس آئی نریندر سنگھ، 108 ایمبولینس کے پائلٹ سریش گودرا وغیرہ موقع پر پہنچے، انہوں نے زخمیوں کو ایمبولینس کے ذریعہ اسپتال میں داخل کرایا۔
بتایا جا رہا ہے کہ ایک منی بس دہلی سے جیسلمیر جا رہی تھی، باپ سے چار کلومیٹر بیکانیر کی طرف ہائی وے پر بس اور ٹریلر کے درامیان تصادم ہوگیا جس کے سبب یہ حادثہ پیش آیا، بس میں 17 افراد سوار تھے اور یہ تمام لوگ دہلی جا رہے تھے۔
