پولس نے بتایا کہ شری گنگا نگر ضلع کے انوپ گڑھ تھانہ علاقے کے ایک گاؤں کی رہنے والی لڑکی نے رپورٹ میں الزام لگایا ہے کہ اس کے والدین اور دیگر اہل خانہ نے نابالغ ہوتے ہوئے بھی شادی کے نام پر اسے پچاس ہزار روپے میں بیچ دیا۔ اس کے مبینہ شوہر سولیندر سنگھ نے اس کی جنسی زیادتی کی۔
پولس نے بتایا کہ سولیندر سنگھ نے تقریبا 20 دن پہلے رپورٹ درج کرائی تھی کہ اس کی 19 سالہ بیوی بغیر بتائے کہیں چلی گئی ہے۔
گمشدگی کی رپورٹ درج کرکے تلاش کی جارہی تھی کہ وہ کل شام خود تھانے میں آگئی۔ اس نے خود کو 15 برس کی بتاتے ہوئے کہا ہے کہ اس کے والدین نے 50 ہزار روپے میں شادی کے نام پر سولیندر اور اس کے اہل خانہ کو بیچ دیا۔
سولیندر اس کی خواہش کے خلاف اس کی جنسی زیادتی کرتا رہا۔ پولس نے معاملہ درج کرکے آج اس کا طبی معائنہ کرایا۔ مزید جانچ جاری ہے۔
تفتیش کے دوران لڑکی نے بتایا کہ وہ 20 دنوں تک اپنے کسی جان پہچان والے کے پاس رہی۔ جب اسے معلوم ہوا کہ پولیس اسے ڈھونڈ رہی ہے تو وہ تھانے آگئی۔
