راجستھان: سرکاری کالجز میں انتخابات، پرچہ نامزدگی کا عمل شروع

ریاست راجستھان کے سرکاری کالجز میں 27 اگست کو انتخابات ہونگے۔ ان انتخابات میں جو امیدوار میدان میں ہیں، وہ آج اپنا پرچہ نامزدگی اپنی یونیورسٹی اور کالج میں کریں گے۔

صبح 10 بجے سے پرچہ نامزدگی کا عمل شروع ہو جائے گا اور دوپہر دو بجے تک امیدوار پرچہ داخل کر سکیں گے۔

پرچہ نامزدگی کے مدنظر جے پور کے راجستھان یونیورسٹی میں کثیر تعداد میں پولیس تعینات کی گئی ہے۔ راجستھان یونیورسٹی کے طلبہ کے علاوہ کسی اور کو یونیورسٹی میں داخل نہیں کیا جارہا ہے۔

واضح رہے کہ ان انتخابات کے نتائج 28اگست کو آئینگے۔

این ایس یو آئی اور اے بی وی پی کی جانب سے بنائے گئے امیدوار اپنے پورے پینل کے ساتھ پرچہ نامزدگی کے لیے آئیں گے۔ دوجی یونین کی جانب سے ایک ریلی بھی منعقد کی گئی ہے، جو الگ راستوں سے ہوتے ہوئے یونیورسٹی پہنچے گی۔