جے پور: دو گروپوں میں پتھراؤ، متعدد افراد زخمی

ریاست راجستھان کے دارالحکومت جے پور کے کوتوالی تھانہ علاقے میں بچوں کے لیے دو گروپ میں جھگڑا ہو گیا اور دونوں فریق کے درمیان پتھراؤ کا معاملہ پیش آیا ہے جس کے سبب متعدد افراد زخمی ہوگئے ہیں۔

گزشتہ شب پولیس کو اطلاع ملی کہ بھنڈیو کے راستہ میں بچوں کے تنازع پر دو گروپ میں تنازع ہوگیا ہے اور وہاں کثیر تعداد میں عوام کا ہجوم بھی جمع ہے۔ پولیس نے موقع پر پہنچ کر لوگوں کو منتشر کیا اور جائے حادثہ پر پولیس کی تعینات کردیا۔ فی الحال علاقے میں امن و امان کا ماحول ہے۔

وہیں کوتوالی تھانے کے انچارج وکرم سنگھ نے ای ٹی وی بھارت سے بات چیت کے دوران بتایا کہ معمولی سی بات کو لے کر بھنڈیو کا راستے میں جھگڑے کی اطلاع موصول ہوئی، جس کے بعد جائے حادثہ پر پولیس کی ٹیم پہنچی اور ہجوم ہو وہاں سے گھروں کو روآنہ کیا۔

پولیس نے مقدمہ درج کرکے تفتیش شروع کر دی ہے۔