خواجہ صاحب کے عرس کے موقع پر اجمیر ریلوے کی جانب سے اسپیشل ٹرینیں چلائی جارہی ہیں، جبکہ ان ٹرینوں کو خواجہ صاحب کے نام پر موسوم کیا گیاہے۔
قابل ذکر ہے کہ اس بار تقریبا ایک درجن سے زیادہ اسپیشل ٹرینیں چلائی گئی ہیں، گذشتہ دو دن قبل دو اسپیشل ٹرین ہاوڑا- دورائی اور مدار- باندرا عرس اسپشل ٹرینیں چلائی گئی۔
زائرین کو کسی طرح کی کوئی پریشانی نہ ہو اس کے لئے جگہ جگہ ریلوے پولیس بھی تعینات ہے جو آنے والے مسافروں کی رہنمائی کر رہی ہے۔
جگہ جگہ ہیلپ لائن سینٹرز اور ریلوے اسٹیشن کے باہر پانی کا مناسب بندو بست کیا گیاہے۔
خواجہ کے دربار میں حاضری کے بعد تمام عقیدت مند ان پر اپنے عقیدت کے پھول چڑھاتے ہیں، اور اپنی مرادیں مانگتے ہیں۔
کہا جاتا ہے کہ مشہور مغل شہنشاہ اکبر نے بھی یہاں پر منت مانگی تھی اپنی مراد پوری ہونے پر مغل بادشاہ اکبر خواجہ صاحب کے در پر حاضری کے لے آئے تھے۔
نواب سراج الدولہ نے بھی اپنے بچے کی پیدائش کے بعد وہاں محفل خانہ کی تعمیر کراوائی تھی۔
