راجستھان میں سیاسی بحران اور چین کے ساتھ سرحدی کشیدگی کے درمیان، کانگریس کی عبوری صدر سونیا گاندھی نے جمعرات کے روز صبح 10.30 بجے پارٹی کے راجیہ سبھا اراکین کا اجلاس طلب کیا ہے۔
قابل ذکر ہے کہ یہ پارٹی کے نئے راجیہ سبھا اراکین کی پہلی میٹنگ ہوگی جنہوں نے 22 جولائی کو حلف لیا تھا۔ ایوان بالا میں کانگریس کے اراکین کی تعداد کم ہوگئی ہے۔
ذرائع کے مطابق یہ اجلاس ملک میں کووڈ-19 کی وجہ سے پیدا شدہ صورتحال، بے روزگاری و دیگر معاملات پر بھی تبادلہ خیال کرنے کے لئے بلایا گیا ہے۔
یہ بھی پڑھیں
بہار: سیلاب سے لاکھوں افراد متاثر، 11 کی موت
واضح رہے کہ اس سے قبل سونیا گاندھی نے پارٹی کے لوک سبھا راکین کا اجلاس بلایا تھا۔
ورچوئل میٹنگ میں پارٹی کے اراکین پارلیمان نے پارٹی کے سابق سربراہ کے طور پر راہل گاندھی کی دوبارہ پارٹی کے سربراہ مقرر کرنے کا مطالبہ کیا تھا۔ اس معاملے کو گوراو گوگوئی اور مانیکم ٹیگور نے اٹھایا تھا۔
جون میں کانگریس ورکنگ کمیٹی کے اجلاس میں راجستھان کے وزیر اعلی اشوک گہلوت نے بھی یہی مطالبہ کیا تھا۔
