ریاست راجستھان کے ضلع ناگور کے گاؤں بھدانہ میں ایک لڑکا، اپنے بزرگ والدین کو قتل کرنے کے بعد موقع سے فرار ہوگیا اور موٹر سائیکل لے جانے کے دوران امر پورہ گاؤں کے قریب نامعلوم گاڑی کی زد میں آکر ہلاک ہو گیا۔
ڈی وائی ایس پی مکل شرما نے بتایا کہ 'بیٹا حڑمان اور اس کے والد روگھارام کے درمیان کافی دن سے تنازع چل رہا تھا۔ بیٹا ہنومان اپنے والد کی آبائی زمین فروخت کرنا چاہتا تھا۔ ہنومان نے کئی لوگوں سے سود پر قرض لے رکھا تھا، اس نے پہلے 10 بیگھا زمین اور بعد میں 20 بیگھا زمین فروخت کر دی تھی۔ وہ اپنے والد روگھارام کی کھیتی کی مزید اراضی بیچنا چاہتا تھا، اس لیے یہ تنازع ایک طویل عرصے سے چل رہا تھا۔ 82 برس کے والد روگھارام اور 80 برس کی والدہ پتاسی پر بیٹے نے ہتھوڑے سے کئی بار حملے کیے جس سے دونوں کی موقع پر ہی موت ہو گئی۔ قتل کے بعد حڑمان موٹر سائیکل لے کر فرار ہوگیا۔ راستے میں جاتے ہی وہ بھی ایک سڑک حادثہ میں ہلاک ہو گیا۔'
صدر تھانہ پولیس نے تینوں کی لاشوں کو ناگور کے جواہر لعل نہرو ہسپتال میں رکھوا دیا ہے۔ اب پوسٹ مارٹم میڈیکل بورڈ کرے گا۔
صدر تھانہ میں دو الگ الگ ایف آئی آر درج کی گئی ہے۔ پہلا مقدمہ اس قتل کے سلسلے میں جبکہ دوسرا مقدمہ نامعلوم ڈرائیور کے خلاف درج کیا گیا ہے۔
