راجستھان کے کوٹا کے ادیوگ نگر تھانہ علاقے میں کل دیر رات شراب کے نشے میں چور ایک بیٹے نے اپنے باپ کو لاٹھی ڈنڈوں سے پیٹ پیٹ کر مار ڈالا۔
اس معاملے کی تفتیش کرنے والے پولیس افسر رام نارائن نے آج صحافیوں کو بتایا 'یہ واقعہ دیر رات گووند نگر کی ہریجن بستی میں پیش آیا۔ روہت بالمیکی جب گذشتہ رات شراب کے نشے میں اپنے گھر لوٹا تو شراب پینے پر اس کے باپ نے اسے منع کیا۔ اس سے ناراض ہو کر روہت نے اپنے باپ مہیش پر لاٹھیوں سے حملہ کردیا اور اس کو اتنا پیٹا کہ وہ موقع پر ہی دم توڑ گیا'۔
یہ بھی پڑھیے
رام گڑھ: دو فوجی اہلکار غرقاب
دہلی کسٹمز نے 88 لاکھ سے زائد کا سونا ضبط کیا، ایک گرفتار
اطلاع ملنے کے بعد ادیوگ نگرلہ پولیس موقع پر پہنچی اور لاش کو ایم بی ایس اسپتال پہنچایا گیا۔
واقعہ کے فوراً بعد ہی روہت فرار ہوگیا۔ اس کی بیوی شراب نوشی کی وجہ سے اسے بہت پہلے چھوڑ چکی ہے۔ پولیس نے اس کے خلاف قتل کا مقدمہ درج کر کے اس کی تلاش شروع کردی ہے۔
