اجمیر:ریاست راجستھان کے ضلع اجمیر میں گزشتہ کئی مہینوں سے منی پور میں جاری تشدد کے خلاف مختلف تنظیموں کے کارکنان نے جم کر احتجاج کیا۔اس سلسلے میں مزید معلومات دیتے ہوئے سماجی کارکن اور آئی وی ایف ماہر ڈاکٹر ریکھا ورما اور طلبہ یونین کے سابق صدر بھگوان سنگھ چوہان نے کہا کہ منی پور کی میتائی کمیونٹی بھی اس ملک کا اٹوٹ حصہ ہے۔
انہوں نے کہاکہ یہ معاشرہ قدیم قبائلی معاشرے کا حصہ ہے، جو ملک کی قدیم روایات کو برقرار رکھے ہوئے ہے۔ ایسے میں اس سماج کے لوگوں پر حملہ ملک کی یکجہتی اور سالمیت کے لیے نقصان دہ ہے۔ریاست میں بی جے پی کی حکومت ہونے کے باوجود سماج کے لوگوں کے ساتھ جو واقعہ ہو رہا ہے وہ قابل مذمت ہے۔
یہ بھی پڑھیں:Widow Gangraped in Deeg دیگ راجستھان میں بیوہ خاتون کی اجتماعی عصمت دری
مطالبہ کیا گیا کی مرکزی حکومت کو فوری طور پر اس اس معاملے میں دخل دینا چاہئے اور منی پور میں این آر سی کو نافذ کرنا چاہئے۔ قابل ذکر ہے کہ گزشتہ چند ماہ سے منی پور میں دو برادریوں کے درمیان نفرت کی دیوار کھڑی ہو گئی ہے۔ جس کی وجہ سے منی پور میں حالات اب بے قابو سے اور نفرت نظر ا رہی ہے ۔ یہی وجہ ہے کہ منی پور میں امن و امان کے لیے ملک کے باشندے دعا کر رہے ہیں۔
