ضلع سیروہی کے بھیمانا راشڑ مارگ پر آج صبح یہ حادثہ پیش آیا۔ جہاں ایک تیز رفتار کار اچانک دو ٹرک کے پیچھے گھس گئی ۔ جس کی وجہ سے 3 بچوں سمیت پانچ افراد ہلاک ہوگئے۔جس میں دو افراد کی موقع پر موت ہوگئی۔اس حادثے میں ایک بچی زخمی ہوئی تھی جس نے دوران علاج دم توڑ دیا۔ جب کہ بعد میں دو افراد کی بھی موت ہوگئی۔
واضح رہے کہ کار میں سوار افراد گجرات کے تھے جو سروہی کی طرف جارہے تھے وہیں ڈرائیور کونیند کا جھونکا آیا جس سے کار بے قابو ہوکر ٹرک میں ٹکرا گئی۔
اس حادثے میں موقع پر ہی دو افراد کی موت ہوگئی تھی۔ وہیں کئی افراد گاڑی کےاندر پھنسے گئے۔
حادثے کی اطلاع موصول ہوتے ہی روہیڑا پولیس اور ہائی وے پیٹرولنگ کی گاڑی موقع پر پہنچی اور سبھی کو گاڑی سے باہر نکالا۔ اس حادثے میں تقریبا 10 سے زائد افراد زخمی ہوئے ہیں۔جن کا ابوروڈ کے ٹروما سینٹر میں علاج کیا جارہا ہے۔
