اجمیر:ہندوستان میںامن و امان ,راشٹریہ راجیو گاندھی برگیڈ تنظیم کی کامیابی کے لیے ادارے کے قومی صدر سلیم بھارتی نے جمعرات کو اپنے وفد کے ساتھ صوفی حضرت خواجہ معین الدین حسن چشتی رحمت اللہ علیہ کی بارگاہ میں عقیدت کی چادر اور پھول پیش کیے۔ اس موقع پر درگاہ شریف کے خادم اور انجمن سید زادگان کے ممبر حاجی سید عمران چشتی نے سلیم بھارتی اور ان کے ساتھ ائے اہل خانہ کی دستار بندی کر استقبال کیا۔
سلیم بھارتی نے خواجہ صاحب کی بارگاہ میں حاضری کے بعد میڈیا سے گفتگو میں کہا کہ خواجہ صاحب کا دربار وہ اعلی دربار ہے جہاں سے کبھی کوئی مایوس نہیں جاتا۔ یہی وجہ ہے کہ ملک میں امن و امان اور نفرت کی سیاست کے خاتمے کی خواہش لے کر ائے ہیں۔
یہ بھی پڑھیں:راجستھان کے نئے وزیر اعلیٰ بھجن لال شرما نے عہدے و رازداری کا حلف لیا
انہوں نے اپنی تنظیم راشٹریہ راجو گاندھی برگیڈ کی شہرت اور کامیابی اور بلندی کے لیے خصوصی دعا طلب کی ہے۔ برگیٹ کے عہدے دران نے خواجہ صاحب کی درگاہ کی تاریخی عمارات اور جنتی دروازہ سمیت دیگر مقامات کی زیارت بھی کی۔ان کا کہنا تھاکہ ملک میں نفرت کی سیاست کو ختم کرنے کے مقصد سے اجمیر شریف کا دورہ کیا اور ہمیں یقین ہے کہ آنے والے دنوں میں ہندوستان مذہب کے نام پر جاری سیاست کا خاتمہ ہو جائے گا۔
