بھارتی ریاست راجستھان میں آج پیر کے روز لاک ڈاؤن کا دوسرا روز رہا، اس درمیان آج ضروری چیزوں کو چھوڑ کر تمام دوکانوں پر تالے لگے ہوئے نظر آئے۔
حالانکہ ضروری دکانیں کچھ وقت کے لئے کھلیں، جہاں عام دنوں میں چہل پہل نظر آتی تھی۔ وہاں پر آج کوئی بھی نظر نہیں آیا۔
راجستھان کی عوام اپنے گھروں میں قید ہی نظر آئی، حالانکہ 31 مارچ تک پوری ریاست میں لاک ڈاؤن کا آرڈر وزیراعلی اشوک گہلوت کی جانب سے جاری کیا گیا ہے۔
موصولہ اطلاع کے مطابق گاؤں کے بعد اب شہر میں بھی کرفیو کا فیصلہ بھی وزیراعلی گہلوت لے سکتے ہیں، جے پور میں واقع وزیراعلی کے گھر پر ایک اہم میٹنگ منعقد کی جارہی ہے۔
وہیں اس درمیان راجستان پولیس بھی کافی زیادہ سخت نظر آرہی ہے۔ راجستھان پولیس کے جوان الگ الگ علاقوں میں تعینات کئے گئے ہیں۔ جو یہ خیال رکھ رہے ہیں کوئی بھی شخص اپنے گھر سے باہر نہیں نکلے۔
اگر کوئی باہر نکلتے ہوئے نظر آتا ہے تو اس کو واپس اپنے گھر پر بھیجا جا رہا ہے، پولیس کی گاڑیاں بھی الگ الگ علاقے میں جائزہ لیتی ہوئی نظر آرہی ہیں۔
