گزشتہ روز بدھ کو راجستھان کی کانگریس حکومت کی جانب سے عالمی وبا کورونا کے مدنظر ایک نئی گائیڈ لائن جاری کی گئی ہے، اس میں بڑی بات یہ کہی گئی ہے کہ 30 اپریل تک راجستھان کی تمام مذہبی مقامات کو بند رکھا جائے کا، اس دوران رمضان المبارک کا مقدس مہینہ چل رہا ہے، ایسے میں مسلم تنظیموں کے ذمہ داران کا کہنا ہے کہ وہ مکمل طور پر حکومت کی جانب سے جاری کرہ نئے گائیڈ لائن پر عمل کریں گے۔
ان کا کہنا ہے کہ اگر بات کی جائے سماجی دوری کی تو سماجی دوری کا بھی نماز ادا کرنے کے دوران خاص خیال رکھا جا رہا ہے اور ہر شخص سینیٹائزر کا بھی ہر وقت استعمال کرے گا۔
انہوں نے مزید کہا کہ رمضان المبارک کا مقدس مہینہ چل رہا ہے اور مساجد میں عبادت کی جاتی ہے۔ عبادت کے دوران مکمل طور پر خیال رکھا جاتا ہے کہ سماجی دوری کا فاصلہ سبھی لوگ رکھیں، اس لئے حکومت کو بھی یہ چاہیے کہ وہ زیادہ سختی سے پیش نہ آئے، مسلمان اس مقدس ماہ میں خدا سے دعا کر رہا ہے کہ کورونا وبا کا خاتمہ جلد سے جلد ہو سکے۔
