ریاست راجستھان کی دارالحکومت جے پور میں آج 17 ستمبر کو اردو لیول ٹو کو لے کر کونسل ہونی ہے۔
اس سلسلے میں جے پور کے آدرس نگر اسمبلی حلقے سے رکن اسمبلی رفیق خان نے راجستھان حکومت میں وزیرتعلیم گویند سنگھ ڈوٹاسرا اور محکمہ تعلیم کے اعلیٰ افسران کو ایک خط لکھا ہے۔
اس خط کے ذریعے رکن اسمبلی خان نے مطالبہ کیا ہے کہ آج 17 ستمبر کو جو کونسل لیول ٹو کےسلسلے میں ہورہی ہے اس کو روکا جائے، اگر ایسا نہیں ہوتا ہے تو اردو کے کئی بچوں کا مستقبل خراب ہو سکتا ہے۔
یہ بھی پڑھیں:جے پور: دارالحکومت ہونے کے باوجود سڑکوں کی حالت خراب
انہوں نے اپنے خط میں اپنی اسمبلی حلقے سمیت جے پور کے کئی اسکولوں کا حوالہ دیا ہے جس میں اردو کے بچے کافی زیادہ ہیں لیکن وہاں سے اردو کے اساتذہ کو ہٹایا جا رہا ہے۔ اور دوسری جگہ پر اردو کے اساتذہ کو مقررکیا جارہا ہے۔
انہوں نے خط کے ذریعہ وزیر تعلیم گویند سنگھ اور تعلیم محکمے کے افسران کو اس جانب جلد سے جلد توجہ دینے کا مطالبہ کیا۔
