اسدالدین اویسی سے ملاقات کے دوران تمام مظاہرین کی جانب سے ایک میمورینڈم بھی دیا گیا۔ ملاقات کے دوران راجستھان مدرسہ پیرا ٹیچر، راجیو گاندھی پیرا ٹیچر اور شکشا کرمی موجود رہے۔
مظاہرین نے اسدالدین اویسی سے ملاقات کے دوران بتایا کہ راجستھان حکومت نے اپنے انتخابی منشور میں اس وعدے کو شامل کیا تھا کہ ہم لوگوں کو مستقل کر دیں گے لیکن ہم لوگوں کو تین برس کا ایک لمبا عرصہ مکمل ہونے کے باوجود مستقل نہیں کیا گیا۔
انہوں نے کہا کہ ہم آپ سے گزارش کرتے ہیں کی ہمارے اس مطالبے کو لے کر گہلوت حکومت پر دباؤ بنایا جائے ۔ وہیں اسد الدین اویسی نے تمام مظاہرین کو بھروسہ دلایا کہ ان کے مطالبات کو حکومت تک پہنچایا جائےگا۔
یہ بھی پڑھیں: قبائلیوں کو نظر انداز کرنے کے جرم کی ہر فورم میں بحث ضروری: مودی
وہیں اس پورے معاملے پر سنیکت مورچہ کے سربراہ اعظم خان پٹھان کا کہنا ہے کہ ہم لوگ گزشتہ کئی ماہ سے مظاہرہ کر رہے ہیں لیکن کسی طرح کی کوئی توجہ راجستھان حکومت کی جانب سے نہیں دی جا رہی، جس کے بعد جب آج ہم لوگوں کو پتہ چلا کہ اے آئی ایم آئی ایم کے سربراہ اسد الدین اویسی جیے پور پہنچے ہیں، اس لئے ہم لوگوں نے ان سے ملاقات کی۔ ہم لوگوں نے ان کو ایک میمورنڈم دیا ہے۔
