جودھ پور: ریاست راجستھان کے جودھ پور میں 20 مارچ سے شروع ہونے والے تین روزہ راجستھان انٹرنیشنل ایکسپو 2023 میں 17 ممالک کے 95 اور 234 انڈین بایرس سمیت آٹھ ممالک کے سفیر، ہائی کمشنر اور معززین شرکت کریں گے۔ ڈویژنل کمشنر کے سی مینا نے کہا کہ انٹرنیشنل ایکسپو کے انعقاد سے جودھ پور کو بین الاقوامی نقشے پر ایک الگ شناخت ملے گی۔ ان نامور لوگوں کی شرکت اور مختلف کثیر جہتی اہم سرگرمیاں جودھ پور کے لیے فخر کی بات ہے۔ اس کے پیش نظر تقریب کو انتہائی کامیاب اور یادگار بنانے کے لیے پوری لگن سے کام کریں اور وسیع تیاری کے ساتھ تفویض کردہ ذمہ داریوں کوبخوبی نبھائیں۔
انہوں نے بتایا کہ ایکسپو میں شرکت کے لئے خاص طورپر امریکہ، برطانیہ، روس، سعودی عرب، متحدہ عرب امارات، سویڈن، تھائی لینڈ، نیدرلینڈ، کولمبیا، میکسیکو، گھانا، سوڈان، سینیگل، مصر، بولیویا، یوگنڈا، البانیہ وغیرہ جیسے 17 ممالک کے 95 بایرس شرکت کریں گے۔ ان ملکی اور غیر ملکی خریداروں کو ایکسپو میں ایک ہی جگہ پر ریاست کی منفرد مصنوعات دیکھنے کو ملیں گی۔ اس کے ساتھ ہی ریاست کے دستکاری کے شعبے کے کاریگروں کو ان بائرس کے ساتھ نیٹ ورکنگ کا موقع ملے گا۔ ان ملکی اور غیر ملکی بایرس کو ایکسپو میں ایک ہی جگہ پر ریاست کی منفرد مصنوعات دیکھنے کو ملیں گی۔ اس کے ساتھ ہی ریاست کے دستکاری کے شعبے کے کاریگروں کو ان بایرس کے ساتھ نیٹ ورکنگ کا موقع ملے گا۔ راجستھان انٹرنیشنل ایکسپو میں شرکت کے لیے 8 ممالک کے غیر ملکی سفیر اور ہائی کمشنر آرہے ہیں۔
یہ بھی پڑھیں: گریٹر نوئیڈا میں پینٹ انڈیا 2023 کے نارتھ انڈیا ایڈیشن کا افتتاح
یو این آئی
