محکمہ زراعت و تعاون کے پرنسپل سکریٹری، نریش پال گنگوار نے بتایا کہ زرعی اجناس کی فروخت کے لیے تقریبا 460 خرید و فروخت اور ویلج سروس کوآپریٹو سوسائٹیوں کے ساتھ ساتھ تلم سنگھ کو نجی منڈی کا اعلان کرنے کی اجازت دی گئی ہے۔
حکومت کے اس فیصلے سے زرعی اجناس کی وکندریقرت خریداری ممکن ہوگی۔ کسان اپنے زرعی پیداوار کو فروخت کرنے لیے اپنے کھیت اور گاؤں کے قریب کوآپریٹو سوسائٹیوں میں لاسکیں گے۔ اس کے ساتھ کسان زرعی پیداوار کی منڈیوں کے مطابق اپنی زرعی اجناس کو کھلے عام فروخت کرکے مسابقتی قیمت حاصل کرسکیں گے۔
نریش پال گنگوار نے کہا کہ وزیراعلی نے 'پردھان منتری فصل بیمہ یوجنا' میں ریاستی پریمیم جمع کروانے کے لیے کسانوں کی فلاح و بہبود فنڈ سے 500 کروڑ روپے کی اضافی رقم منتقل کرنے کی منظوری دے دی ہے۔
پچھلے ایک برسمیں ریاستی حکومت نے پریمیم کے طور پر 2034 کروڑ روپئے ادا کیے ہیں۔ انہوں نے کہا کہ ریاستی حکومت نے 'پردھان منتری فصل بیمہ یوجنا' کے تحت اگلے ایک ماہ میں 700 کروڑ روپئے کے پریمیم ادا کرنے کا فیصلہ کیا ہے، تاکہ خریف 2019 تک مکمل ریاستی پریمیم ادا کیا جاسکے۔
ساتھ ہی کسانوں کو زیر التوا دعوے کی ادائیگی ہو سکے، اس سلسلے میں کسان ویلفیئر فنڈ سے 500 کروڑ روپے کی اضافی رقم منتقل کرنے کی منظوری دی گئی ہے۔
