ریاست راجستھان کی سیاسی گہما گہمی یہاں تک پہنچ گئی ہے کہ اب ایک رکن اسمبلی نام سے آڈیو کلپ وائرل کی جا رہی ہے لیکن مذکورہ رکن اسمبلی نے اپنا ویڈیو بیان جاری کر کے اس آڈیو کلپ میں اپنی آواز ہونے سے انکار کر رہا ہے۔
دراصل بھنور لال شرما کے نام سے وائرل کی جارہی آڈیو کلپ میں ارکان اسمبلی کی خرید و فروخت کی باتیں کی جارہی ہیں لیکن بھنور لال نے آڈیو کلپ کو فرضی بتایا ہے۔
اس آڈیو کلپ کے سوشل میڈیا پر وائرل ہونے کے بعد رکن اسمبلی بھنور لال شرما نے اپنا ایک ویڈیو بیان جاری کیا ہے اور اس میں وہ کہہ رہے ہیں کہ جو بھی میرے نام سے آڈیو وائرل کیا جارہا ہے وہ آڈیو میرا نہیں ہے۔
بھنور لال شرما نے الزام عائد کیا کہ جو آیڈیو کلپ وائرل کیا جا رہا ہے وہ وزیراعلیٰ اشوک گہلوت کے او ایس ڈی لوکیش شرما سب کو بھیج رہے ہیں، جبکہ آوڈیو پوری طرح سے فرضی ہے آڈیو میں میری آواز نہیں ہے۔
انہوں نے مزید الزام عائد کیا کہ اشوک گہلوت پوری طرح سے بہک گئے ہیں۔
وہیں اس دوران رکن اسمبلی کی خرید و فروخت کے معاملے میں راجستھان کے سنجے نامی کے نوجوان کو حراست میں بھی لیا گیا ہے۔
