راجستھان مسلم وقف بورڈ کی اہم میٹنگ آج دارالحکومت جے پور کے جوتی نگر علاقے میں واقع راجستھان مسلم وقف بورڈ کے دفتر میں منعقد ہوگی، اس میٹنگ میں کئی اہم فیصلے لیے جائیں گے۔
راجستھان مسلم وقف بورڈ کی یہ میٹنگ بورڈ کے چیئرمین ڈاکٹر خانو خان بودھوالی کی قیادت میں ہوگی، اس میٹنگ میں راجستھان مسلم وقف بورڈ کمیٹی کے ممبر سمیت دیگر لوگ شامل ہوں گے۔
موصولہ اطلاعات کے مطابق ایک طویل عرصہ کے بعد یہ میٹنگ ہورہی ہے اس لیے راجستھان مسلم وقف بورڈ سے تعلق رکھنے والی درگاہوں کی کمیٹیوں کو تبدیل کیا جائے گا۔
جہاں پر بی جے پی حکومت کی جانب سے کمیٹی بنائی گئی ہے ان میں نئے صدر کو مقرر کیا جائے گا، وہیں اس میٹنگ سے قبل کئی سماجی تنظیموں کی جانب سے دارالحکومت جے پور میں واقع مسلم مسافرخانہ کمیٹی کو تبدیل کرنے کو لے کر بھی چیئرمین کو خط لکھا جا چکا ہے اور مسلم مسافرخانہ کمیٹی کے عہدے دران پر بھی کارروائی کرنے کا مطالبہ کیا گیا ہے۔
ایسے میں چیئرمین کے فیصے پر نظر ہوگی، اس اہم میٹنگ میں وقف بورڈ کے ممبر اور رکن اسمبلی رفیق خان سمیت دیگر لوگ شامل ہوں گے۔
