ریاست راجستھان کے دارالحکومت جے پور کے شہید اسمارک سے مرکزی حکومت کی جانب سے لائے گئے تین نئے زرعی قوانین کو لے کر مختلف سماجی تنظیموں اور کانگریس پارٹی کی جانب سے ایک ریلی نکالی گئی، یہ ریلی شہید سمارک سے روانہ ہوکر سنسار چند روڈ، چاند پول ہوتی ہوئی رام نواس گارڈن میں جاکر ختم ہوئی۔
اسی میں شامل تمام لوگوں نے اپنے ہاتھوں میں پرچم لے رکھے تھے اور مودی حکومت کے خلاف نعرے بازی کر رہے تھے۔
ریلی نکالنے والے تمام لوگ سب سے پہلے شہید سمارک پر جمع ہوئے اور یہاں سے ایک ساتھ روانہ ہو کر زرعی قوانین کو واپس لینے کا مطالبہ کرتے ہوئے آگے بڑھنے لگے۔
ریلی میں شامل کمیونسٹ رہنما سمیترا سنگھ نے بتایا کہ کسانوں کی جانب سے جو آج بھارت بند کا اعلان کیا گیا تھا اسی کی حمایت میں آج ان لوگوں کی جانب سے آج ریلی نکالی گئی اور مرکزی مودی حکومت سے یہ مطالبہ کرتے ہیں کی وہ نئے زرعی قوانین کو فوراً واپس لے۔
انہوں نے کہا کہ ملک کے کسان مرد، خاتون، بچے، بزرگ تمام لوگ 12 روز سے سڑکوں پر ہیں، لیکن مودی حکومت ان کے مطالبے کو تسلیم کرنے کے لیے تیار نہیں ہے۔