ریاست راجستھان کے رول شریف علاقے میں پیغمبر حضور اکرم صلی اللہ علیہ وسلم کا جبہ مبارک آج بھی موجود ہے۔ پیغمبر حضور اکرم صلی اللہ علیہ وسلم کا جبہ مبارک ہونے کی وجہ سے اس علاقے کو رول شریف کے نام سے جانا جاتا ہے
اس جبہ مبارک کو درگاہ کے ایک حجرے میں بند کرکے رکھا گیا ہے جب بھی اس جبہ مبارک کی زیارت کرنے کے لیے کوئی عقیدت مند یا زائرین درگاہ پہنچتا ہے تو حجرے کو کھولا جاتا ہے اور جبہ مبارک کی زیارت کروائی جاتی ہے۔
اس جبہ مبارک کی وجہ سے ہر برس اس درگاہ پر عرس بھی لگتا ہے، خاص بات یہ ہے کہ یہ عرس اسلامی سال کے تاریخ سے نہیں بلکہ ہندی کلینڈر کے مطابق کارتیک ماہ کی ایک سے تین تاریخ تک عرس کا انعقاد کیا جاتا ہے ۔ اس موقع سے ہزاروں کی تعداد میں عقیدت مند رول گاؤں پہنچتے ہیں اور یہاں پر زیارت کرتے ہیں۔ملک میں کورونا وبا کی وجہ سے اس سال عرس کا انعقاد نہیں کیا گیا۔
جبہ مبارک کے تعلق سے درگاہ کمیٹی کی ذمہ داران بتاتے ہیں کہ یہ جبہ مبارک حضرت قاضی حمید الدین ناگوری رحمۃ اللہ علیہ نے 561 ہجری میں مکہ مدینہ سے بھارت کے ناگور شہر میں لائے تھے۔ تب سے یہ جبہ مبارک یہیں پر مقیم ہےَ
