ریاست راجستھان میں کورونا بحران کے معاملات کے پیش نظر ریاستی حکومت نے عوامی مقامات پر بھیڑ کو روکنے کے لئے ضلع مجسٹریٹوں کے اختیارات میں اضافہ کیا ہے۔
ریاست کے 22 اضلاع کے لئے دفعہ 144 کی میعاد بڑھا دی گئی ہے۔ ریاستی حکومت نے کووڈ ۔19 سے تحفظ اور انسانی جانوں کی حفاظت کے لئے یہ اہم فیصلہ کیا ہے۔
دراصل محکمہ داخلہ نے اس سلسلے میں احکامات جاری کیے ہیں۔ اس کے مطابق اب ضلع مجسٹریٹ 30 جون تک اپنے اپنے اضلاع میں دفعہ 144 کی میعاد بڑھانے کے احکامات جاری کر سکتے ہیں۔
ان اضلاع میں دفعہ 144 کی مدت میں توسیع ہوئی
اجمیر، ناگور، ٹونک، بیکانیر، ہنومان نگر، جے پور، الور، دؤسا، جھنجھنو، سیکر، جودھ پور، جیسلمیر، باران، بوندی، بھرت پور، سوائی مادھو پور، چتور گڑھ، پرتاپ گڑھ، بانسوارہ، سری گنگانگر، ڈونگر پور اور جے پور میں دفعہ 144 کی مدت میں اضافہ کیا گیا ہے ۔
ڈسٹرکٹ کلکٹرز نے ضابطے کے مطابق کورونا انفیکشن کی روک تھام کے لئے 18 مارچ کو ممنوعہ یعنی دفعہ 144 نافذ کردی تھی۔
حکومت نے اب دفعہ 144 نافذ کرنے کی مدت میں 30 جون تک توسیع کردی ہے۔
واضح رہے کہ 'ریاست میں تارکین وطن مزدوروں کی نقل و حرکت سے کورونا کے مثبت کیسز کی تعداد میں اضافہ ہوا ہے۔'
