ریاست راجستھان کے شہر اجمیر میں واقع سلطان الہند کی بارگاہ اجمیر شریف درگاہ پر مہاراشٹر و تلنگانہ میں بارش کے قہر سے بچنے اور عوام کی سلامتی کے لیے دعا کا اہتمام کیا گیا۔
حضرت خواجہ غریب نوازؒ کی درگاہ کا جہاں شاہجہانی مسجد اور بابا فرید صاحب کا چلہ شریف پر خصوصی دعا کا اہتمام کیا گیا۔ خدام خواجہ اور عقیدت مندوں نے مل کر ملک کی خوشحالی اور ترقی کے ساتھ ساتھ ریاست مہاراشٹر اور تلنگانہ کی عوام کی سلامتی کی دعا بھی کی۔
واضح رہے کہ ملک کی ریاست مہاراشٹر اور تلنگانہ میں ان دنوں مسلسل بارش کی وجہ سے کئی علاقوں میں پانی بھر گیا ہے اور سیلاب جیسی صورتحالی ہے۔
یہ بھی پڑھیں: 'حکومتی اسکیم کو لے کر عوام سے ووٹ کی اپیل کروں گا'
حالت یہ ہے کہ عوام کو کھانے پینے اور روزگار کے لیے بھی دشواری پیش آرہی ہیں۔ یہی وجہ ہے کہ حضرت خواجہ غریب نواز کی بارگاہ میں عقیدت مندوں نے ان مصیبتوں سے محفوظ رہنے کی دعا مانگی ہے۔
زائرین کو امید ہے کہ ان مصیبت زدہ لوگوں پر جلد ہی اللہ کا کرم ہوگا اور حالات درست ہو جائیں گے۔
