پرنب مکھرجی نے اجمیر سے 72 افراد کو حج پر بھیجا تھا

ملک کے سابق صدر جمہوریہ پرنب مکھرجی کو اجمیر کے 72 حاجی ہمیشہ یاد رکھیں گے۔ یہ تمام حاجی صاحبان وہ ہیں جنہیں مکھرجی نے اپنے وزیر خارجہ عہدے پر رہتے ہوئے مقدس سفر حج پر بھجوایا تھا۔

اجمیر میں خادم الحجاج حاجی محمود خان کے مطابق سابق صدر جمہوریہ پرنب مکھرجی کے دور میں جب بذریعہ راجستھان حج کمیٹی قرہ میں 72 عازمین حج کا نام نہیں نکلا تب کچھ لوگ پرنب مکھرجی سے ملے اور اپنی بات ان کے سامنے رکھی۔ جس کے بعد انہوں نے 72 حاجیوں کو خصوصی طور پر حکومتی سطح پر بھیجنے کا فرمان جاری کیا۔

بتا دیں کہ ان 72 حاجیوں سے پرنب مکھرجی نے مکہ مکرمہ اور مدینہ منورہ میں ہندوستان کی سلامتی اور ترقی کی خاص دعا کی التجا بھی کی تھی۔ یہی وجہ ہے کی اجمیر کے 72 حاجی انہیں خراج تحسین پیش کرتے ہوئے ہمیشہ یاد رکھیں گے۔