جے پور: جے پور پولیس نے گزشتہ شام کو دو بھائیوں کے قتل معاملے میں اہم انکشاف کرتے ہوئے پانچ لوگوں کو گرفتار کیا۔ پولیس کے اعلیٰ افسران کا کہنا ہے کہ 24 گھنٹے سے بھی کم وقت میں قتل کے معاملے میں بڑی کاروائی کی گئی۔ ڈی سی پی شمال پریش دیشمکھ کا کہنا ہے کہ جیسے ہی ہم لوگوں کو گزشتہ شام کو یہ اطلاع ملی تھی ہم نے پولیس فورس کے ساتھ پہنچ کر کاروائی شروع کر دی۔ دو بھائیوں کے قتل معاملے میں ہم نے ایک ٹیم بنا کر تفتیش کی۔ Jaipur Double Murder Case
تفتیشی ٹیم میں پانچ الگ الگ تھانوں کے انچارج کو شامل کیا گیا اور کئی جگہوں پر دبش دی گئی۔ انہوں نے بتایا کہ ہم لوگوں کی جانب سے اس پورے معاملے میں پانچ لوگوں کو گرفتار کر لیا گیا، جن میں ملزم زبیر عرف جنگر گلتا تھانے کا ہسٹری شیٹر شامل ہے۔ تین ملزمین معاملے میں فرار ہیں۔ انہیں بھی جلد گرفتار کر لیا جائے گا۔
مزید پڑھیں:
- Mobile Phones Recovered from Ajmer Central Jail: اجمیر سینٹرل جیل سے بڑی تعداد میں موبائل برآمد
- Two Youth Stabbed to Death in Eidgah Area: جے پور، عید گاہ علاقے میں دو نوجوانوں کا چاقو مار کر قتل
انہوں نے کہا کہ جو لوگ اس پورے معاملے میں قصوروار ہیں، ان کو کسی بھی صورتحال میں سے بخشا نہیں جائے گا۔ واضح رہے کہ گزشتہ دیر شب معمولی بات کو لے کر چند لوگوں نے دو بھائیوں کا چاقو سے وار کر کے قتل کر دیا تھا۔
