پھلودی جیل سے فرار ہونے والے 16 قیدیوں کے معاملے میں پولیس کو بڑی کامیابی حاصل ہوئی ہے۔
جیسلمیر پولیس کی خصوصی ٹیم نے 4 مفرور قیدیوں اور اس معاملے کی سازش میں ملوث دو دیگر افراد کو بھی گرفتار کیا ہے۔
اطلاعات کے مطابق پولیس نے شوکت نام کے قیدی کو جیسلمیر کے موہن گڑھ سے گرفتار کیا ہے۔
اس تعلق سے جودھ پور رورل پولیس سپرنٹنڈنٹ انیل کیال نے بتایا کہ آج ایک اور ملزم راج کمار کو ضلع کے جامبہ گاؤں سے گرفتار کیا گیا ہے۔ جس سے پوچھ تاچھ کی جارہی ہے، ملزم کو جلد ہی جودھ پور لایا جائے گا جہاں مختلف ایجنسیاں اس سے پوچھ تاچھ کریں گی۔
قابل ذکر بات ہے کہ 5 اپریل کو پھلودی جیل سے 16 قیدی جیل توڑ کر فرار ہو گیے تھے۔ اس کے بعد پولیس نے چھاپے مار کر بیکانیر کے علاقے سے پہلے قیدی موہن رام کو گرفتار کیا تھا، اس کے علاوہ پولیس نے ڈرائیور منیش اور اس کو سم فراہم کرنے والے شاہ رخ کو گرفتار کرلیا ہے۔
