جے پور میں پیرا ٹیچرز کا آج احتجاج

ریاست راجستھان کے مدارس میں ہندی، انگریزی اور دیگر مضامین کو پڑھانے والے مدرسہ کے پیرا ٹیچر آج ریاست کے دارالحکومت جے پور میں احتجاج کریں گے۔

اس احتجاج میں ریاست بھر کے پیرا ٹیچرز شامل ہوں گے۔

اس درمیان دارالحکومت جے پور گورنمنٹ ہوسٹل سے 22گودام تک ایک ریلی بھی نکالنے کا فیصلہ کیا گیا ہے۔

پیرا ٹیچرز نے کہا کہ ریلی کے ذریعے حکومت تک یہ پیغام پہنچایا جائے گا کہ حکومت نے جو وعدے اپنا انتخابی منشور میں کیے تھے ان وعدوں کو عملی جامہ پہنانے کا وقت آگیا ہے۔

ریاستی بجٹ سے پہلے پیرا ٹیچر احتجاج کرکے حکومت کو اپنی جانب توجہ مبذول کرانا چاہتے ہیں۔ اس احتجاج میں شریک ہونے کے لئے ریاست بھر سے پیرا ٹیچر جے پور پہنچے ہیں۔