اجمیر:بی جے پی اقلیتی مورچہ کے صدر اپنے لاؤ لشکر کے ساتھ راجستھان کے وزیراعلی بھجن لال شرما کی چادر لے کر خواجہ غریب نواز کے استانے پر پہنچے تھے جہاں پارٹی کے کارکنان اور درگاہ کے خادم و انجمن سید زادگان اور درگاہ کمیٹی کے نمائندوں نے ان کا استقبال کیا۔
وزیراعلیٰ کی چادر کا جلوس درگاہ کے نظام گیٹ سے شروع ہوا اور خواجہ غریب نواز کے استانے مبارک پر پہنچا۔اسی درمیان چادر لے جانے والے روٹ کو لے کر تبدیلی سے پولیس نے اعتراض کا بھی اظہار کیا۔مورچہ کے حمید میواتی اپنے لاؤ لشکر کے ساتھ چادر کا جلوس لے کر درگاہ پہنچے جہاں پولیس کی سیکیورٹی میں چادر کا جلوس روانہ ہوا
لیکن درگاہ کے بلند دروازے کے پاس جیسے ہی جلوس طے شدہ روٹ کی جگہ سون چراغ والے راستے سے سندلی مسجد کی طرف داخل ہونے لگا تو پولیس نے اعتراض جتا دیا اور طے شدہ روٹ سے ہی چادر لے جانے کو کہا۔ اسی پر کچھ دیر بحث ہوئی لیکن معاملہ سلجھ گیا۔
یہ بھی پڑھیں:عرس مبارک کے موقع پر اجمیر درگاہ کا جنتی دروازہ کھول دیا گیا
حضرت خواجہ غریب نواز رحمۃ اللہ علیہ کی بارگاہ میں سی ایم کی چادر درگاہ کے خادم سید افشان احمد چشتی نے پیش کرائی اور چادر لانے والے وفد کو زیارت کرا کر دستار بندی اور تبرک نظر کیا, اس موقع پر حمید میواتی نے درگاہ کے بلند دروازے پر وزیراعلی کا پیغام بھی پڑھ کر سنایا اور صوبے میں امن و امان - خوشحالی - ترقی اور کامیابی کے لیے دعا بھی مانگی۔
