بھارت کی ریاست راجستھان کی دارلحکومت جئے پور میں عالم اسلام کی طرح پیغمبر اسلام حضرت محمد مصطفی صلی اللہ علیہ وسلم کی یوم پیدائش یعنی عید میلاد النبی اسلامی سال کے تیسرے ماہ کی بارہ تاریخ کو منایا جاتا ہے.
کل یعنی اتوار کے روز اسلامی سال کے تیسرے ماہ کی بارہ تاریخ کو ریاست راجستھان میں عید میلاد النبی عقیدت اور احترام کے ساتھ منایا جائیگا.
اس موقع پر ریاست کی الگ الگ جگہوں پر روایت کے مطابق عید میلاد النبی کے جلوس نکالے جاتے ہیں.
قابل ذکر ہے کہ اس بار ایودھیا کا فیصلہ آچکا ہے اس لئے دارالحکومت جے پور میں اس بار جلوسِ محمدی نہ نکالنے کا اعلان کیا ہے۔ یہ فیصلہ جے پور میں امن وامان کو برقرار رکھنے کے سلسلہ میں لیا گیا ہے.
واضح رہے کہ جئے پور میں عید میلاد نبی کے جلوس پہاڑ گنج سے کربلا کے گراؤنڈ میں پہنچ کر اختتام پزیر ہوتے ہیں. حالات کو معمول پر رکھنے کے لئے عید میلاد النبی کے سلسلہ میں پولیس کے اعلیٰ افسران نے مسلم برادری کے لوگوں کے ساتھ میٹنگ بھی کی۔
دارالحکومت جے پور کے آدرش نگر اسمبلی حلقے سے رکن اسمبلی رفیق خان اور تحریک علمائے ہند کے صدر خالد ایوب مصباحی نے ای ٹی وی بھارت کے نمائندے سے فون پر بات کرتے ہوئے کہا کہ ایودھیا فیصلے کے بعد ریاست کی صورتحال کو مدنظر رکھ کر اس بار جلوسِ محمدی نہ نکالنے کا اعلان کیا گیا ہے۔
