راجستھان میں منشیات کے خاتمے کے لیے خصوصی مہم کا آغاز

راجستھان میں منشیات کے عادی نوجوانوں کو بچانے کے لیے پولیس انتظامیہ کی جانب سے ایک مہم کی شروعات کی گئی، اس کے تحت جےپور پولیس روزانہ منشیات کے عادی سینکڑوں نوجوانوں کو حراست میں لے کر کاروائی کررہی ہے۔

راجستھان کی دارالحکومت جے پور میں منشیات کے خاتمے کو لے کر پولیس انتظامیہ کی جانب ایک مہم کی شروعات کی گئی، اس کے تحت جےپور پولیس روزانہ منشیات کے عادی سیکڑوں نوجوانوں کو حراست میں لے کر کارروائی کررہی ہے۔

منشیات کے تعلق سے راجستھان پولیس کی مستعدی کا اندازہ اسی بات سے لگایا جاسکتا ہے کہ روزانہ پولیس کے اعلیٰ افسران الگ الگ علاقوں میں مقامی باشندوں کے ساتھ میٹنگ کا انعقاد کررہے ہیں۔ جس میں عوام کو اس بات سے آگاہ کررہے ہیں کہ نشے کے عادی نوجوانوں کو بچانے کے لیے آپ ہمارا تعاون کریں اور مقامی باشندہ پولیس انتظامیہ کا تعاون بھی کررہے ہیں۔

اس سلسلے میں پولیس کے جوانوں کا کہنا ہے کہ موجودہ وقت میں نوجوانوں کی بڑی تعداد نشے کی گرفت میں آتا جا رہا ہے۔ اس کو دیکھتے ہوئے پولیس انتظامیہ نے منشیات کے عادی نوجوانوں کو بچانے کے لیے اس مہم کی شروعات کی ہے۔ اور اس مہم کو کامیاب بنانے کے لیے مقامی باشندوں کا تعاون ضروری ہے۔

وہیں جے پور کے الگ الگ علاقوں میں پولیس انتظامیہ کی جانب سے منعقد میٹنگ میں عوام سمیت دیگر تنظیموں کے ذمہ داران اور عہدیداران سمیت کثیر تعداد میں لوگ شرکت کررہے ہیں۔