اجمیر درگاہ میں ہنگامہ

عالمی سطح پر مشہور صوفی حضرت خواجہ معین الدین چشتی کی درگاہ میں گزشتہ شب اس وقت ہنگامہ مچ گیا جب درگاہ کمیٹی کے صدر امین پٹھان اپنی ٹیم کے ساتھ درگاہ کے نظام گیٹ سے درگاہ میں داخل ہو رہے تھے۔ تبھی موقع پر موجود درگاہ کے خادموں نے 20 لوگوں کو ساتھ لے جانے کا الزام عائد کیا۔

درگاہ کمیٹی صدر کا کہنا تھا کہ ان کے ساتھ کمیٹی کے نو ممبران کے علاوہ کوئی نہیں تھا، درگاہ کے نظام گیٹ پر تعینات پولیس اہلکاروں نے اپنے اعلی افسر کو اس کی اطلاع دی۔

ہنگامے کے دوران درگاہ تھانہ پولیس موقع پر پہنچ گئی جہاں درگاہ کمیٹی صدر امین پٹھان اور خادموں کے درمیان ہورہی بحث کو سمجھا کر ختم کر دیا۔