جے پورسے نابالغ بچی غائب، سورت میں برآمد

جے پور کے رام گنج پولیس تھانہ نے کارروائی کرتے ہوئے، اس بچی کو برآمد کر لیا ہےجو گھر سے ناراض ہو کر بھاگ گئی تھی۔

ریاست راجستھان کے دارالحکومت جے پور کے رام گنج پولیس تھانے کو ایک بڑی کامیابی ملی ہے، پولیس نے غائب بچی کو برآمد کر لیا ہے۔

گذشتہ 17 جنوری 2021 کی دوپہر 14 برس کی نابالغ بچی اپنے گھر سے ناراض ہو کر فرار ہو گئی تھی۔

نابالغ بچی کے اہل خانہ نے پولیس تھانہ میں مقدمہ درج کیا تھا، جس کے بعد میں پولیس نے تحقیقات شروع کر دی اور بچی کو سورت سے برآمد کر لیا۔

رام گنج پولیس تھانے کے انچارج بنواری لال مینا نے بتایا کہ اتوار کو ہمارے تھانے میں ایک رپورٹ درج ہوئی تھی کہ 14 برس کی ایک بچی اپنے گھر سے غائب ہوگئی ہے۔

اس کے بعد پولیس نے خاص ٹیم تیار کی اور بچی کے گھر کے فون کو چیک کیا اور جگہ جگہ سی سی ٹی وی فوٹیج بھی چیک کیے گئے۔

سی سی ٹی وی فوٹیج سے سامنے آیا کہ بچی سورج پول علاقے سے جے پور کے سندھی کیمپ بس اسٹینڈ گئی تھی اور وہ وہاں سے روانہ ہو کر ریلوے اسٹیشن پہنچ گئی۔

اس کے بعد بچی بچی ممبئی کے لیے ٹرین سے نکلی تھی، ٹرین پر سوار ہوئی تھی، پولیس نے کارروائی کرتے ہوئے سورت ریلوے اسٹیشن پر لڑکی کو اپنی تحویل میں لے لیا۔

بنواری لال مینا نے ای ٹی وی بھارت کو بتایا کہ سورت پولیس نے بچی کو اپنی تحویل میں لے لیا ہے، اور اب اسے جے پور لایا جا رہا ہے۔