اجمیر: عید الاضحی کے موقع پر کھولا گیا جنتی دروازہ

عالمی شہرت یافتہ صوفی حضرت سلطان الہند خواجہ غریب نواز کی درگاہ میں عید الاضحی کے موقع پر جنتی دروازہ کھولا گیا اور غلاف کعبہ آستانہ شریف زیارت کے لیے رکھا گیا۔

راجستھان کے ضلع اجمیر میں واقع خواجہ صاحب کی درگاہ کی مسجدوں میں عید الاضحی کی نماز ادا نہیں کی گئی لیکن سالانہ دربار میں کھلنے والا جنتی دروازہ قدیمی روایت کے مطابق فجر کی نماز کے بعد کھول دیا گیا۔

فی الحال درگاہ عام زائرین کے لیے 31 اگست تک بند ہے لیکن خادمین خواجہ کی جانب سے آستانہ شریف کی تمام رسم و رواج قدیم روایت کے مطابق انجام دی جا رہی ہیں۔